Empanadas

“perfäkt für id Badi…”

Empanadas

KATEGORIE:

ERSTELLT VON:

Nicole Koller

Die Menu-Idee isch für öppe 20 Stuck

So gaht's

Für de Teig: Mehl, Salz, in chliini Stuck gschnitteni Butter und s’Milch-Wasser-Gmisch zum schön gschmeidige Teig knäte. De Teig in Klarsichtfolie iipacke und im Chüehlschrank öppe 30 Min. chaltstelle.
Für d’Füllig: Öl innere Pfanne heiss werde la und s’Hackfleisch churz und chräftig abrötle. Dänn us de Pfanne neh und uf d’Siite stelle. Zwible, Chnobli, Rüebli, Zucchetti, Peparoni i de Chuchimaschine ganz chlii häxle und ebefalls im heisse Öl adünschte. Dänn Tomatepüree dezuegeh und mit wenig Wasser ablösche. Das Ganze churz chöcherle la bis s’Wasser verdunschtet isch. TK-Erbsli und Mais us de Büchs dezuegeh. Alles zämme mit Salz, Pfeffer, Paprika, Kreuzkümmel, Oregano und villicht äsbiz Chili würze. Die Füllig uf d’Siite stelle und abchüehle la.
De Teig öppe 1-2 mm dünn uswalle. Rundummel mit Durchmässer vo öppe 12-14 cm usstäche, de Rand mit Eigäl iipinsle, ächli Füllig driigeh und zume Täschli falte. Mit Hilf vonere Gable verschlüsse oder sonen „Täschli-Falter“ zur Hilf neh. Alli Täschli no schön mit Eigäl iipinsle und im 180° vorgheitzte Ofe, öppe 20 Minute goldig bache

Das brucht's

Vorbereiten 1 Std.

Kochen 20 Min.

kalt stellen 30 Min.

Empa­nadas